Fréttir

Mixtúran Dicycloverine hydrochloride 10 mg/5ml er nú komin í framleiðslu hjá Pharmarctica. 

Í dag undirritaði Sænes samning um kaup á stálgrindarhúsi sem reisa á sem viðbyggingu við húsnæði Pharmarctica að Lundsbraut 2. Gert er ráð fyrir að framkvæmdir hefjist um leið og frost fer úr jörðu í vor.  Jóhann Ingólfsson framkvæmdarstjóri Sæness og Haraldur Árnason byggingartæknifræðingur við undirritun

Nú eru Norskir brjóstdropar aftur fáanlegir á Íslandi. Norsku brjóstdroparnir eru velþekktir frá gamalli tíð en þeir þykja einstaklega kröftugir gegn særindum í hálsi. Brjóstdroparnir róa hálsinn, draga úr slími og losa um í ennis- og kinnholum. Norskir brjóstdropar eru alls ekki ætlaðir börnum. Fylgja skal inntökuleiðbeiningum sem gefnar eru upp á umbúðum og alls ekki er ætlast til að drukkið sé beint úr flöskunni þar sem mixtúran er mjög sterk.    

Framleiðslu á Rakavaselíni, vn: 12000072 hefur nú verið hætt.

Framleiðslu á Exploration sleipigeli hefur nú verið hætt. Önnur vara er komin í staðinn; Sleipigel í 100 ml túpum en það er undir vörunúmerinu 12000118.

TNG-smyrsli fæst undir vörunúmerinu 12000141 hjá Parlogis

Í vefverslun femin.is er hægt að nálgast nokkrar af okkar vinsælustu vörum.  

Ákveðið hefur verið að hætta framleiðslu á Kuldakremi í 100 ml krukkum. Frá okkur fæst áfram Kuldakrem í 50 ml krukkum. Kuldakrem er hannað með útivist í huga. Kremið er ætlað fyrir börn og fullorðna sem eru í útiveru hvort heldur sem er í leik eða starfi. Kuldakrem verndar húðina fyrir frostbiti, vindþurrk og vetrarsól. Kremið er borið á andlit áður en farið er út. Af kreminu er mildur lavender og rósmarín ilmur sem að fæst úr lavenderolíu og rósmarínolíu sem virka bæði húðverndandi og verjandi ásamt því að gefa góða lykt. Kuldakrem er einnig mikið notað sem hreinsikrem til að fjarlægja farða og sem öflugt rakakrem fyrir þurra húð. Kremið virkar einnig vel á þurrkubletti og harða húð á iljum og olnbogum.

Nú er komið á markað frá okkur nýtt Sleipigel. Gelið fæst í öllum helstu apótekum landsins.

Ákveðið hefur verið að hætta framleiðslu á Æskublóma í 100 ml flöskum. Frá okkur fæst áfram Æskublómi í 300ml notendavænum flöskum með skrúfuðum spraututappa. Æskublómi er olíublanda sem er sérlega húðverndandi og næringarrík fyrir húðina. Olían er mikið notuð sem nuddolía og til að bera á börn og fullorðna. Í Æskublóma er rósaolía, hún inniheldur efni sem að veita húðinni jafnvægi og og styrkja hana. Þannig er hún talin hafa áhrif á viðkvæma húð og húð sem hefur tilheigingu til að mynda æðaslit.