Fréttir

Tilkynning vegna Bórsýruslíms Bórsýruslím fæst núna afgreitt úr apótekum án lyfseðils. Skv. reglugerð nr. 577/2013 viðauka 4 um snyrtivörur, er heimilt að nota bórsýru í snyrtivörur. Bórsýruslímið inniheldur 2% bórsýru sem hefur sótthreinsandi eiginleika.  Bórsýruslím fæst afgreitt úr Parlogis undir vörunúmerinu 12000081.

Sölu á Akvól í 300 ml umbúðum hefur verið hætt. Akvól er til í tveimur öðrum umbúðastærðum, 100 ml túpum og 500 ml flöskum með dælu. 

Velferðarráðuneytið stóð fyrir ráðstefnu um nýsköpun og tækni í velferðarþjónustu dagana 4-5 júní í Hofi á Akureyri. Pharmarctica var með bás á staðnum ásamt því að gefa fyrirlesurum ráðstefnunnar gjafakörfur með vel völdum vörum úr Apótek línunni.

Dagana 4-5 júní verður ráðstefna í Hofi á Akureyri um Nýsköpun og tækni í velferðarþjónustu. Meginmarkmið ráðstefnunnar er að skapa aðstæður og upplifun þar sem ráðstefnugestir komast í snertingu við það sem efst er á baugi í nýsköpun og tækni í velferðarþjónustunni. Jafnframt að þeir geti öðlast vitneskju um hvar sé hægt að leita þekkingar og reynslu til að skapa árangursríkar lausnir í íslenskri velferðarþjónustu.  Pharmarctica verður með kynningar á nokkrum af þeim vörum sem fyrirtækið framleiðir og eru notaðar af stofnunum innan heilbrigðisgeirans.  Við hvetjum alla  sem hafa áhuga á bættri velferðarþjónustu að koma á ráðstefnuna og meðal annars kynna sér hvað Pharmarctica hefur upp á að bjóða. 

Föstudaginn 23. júní  var opið hús hjá Pharmarctica. Mættu þar um 90 manns til að skoða húsnæðið, gæða sér á  veitingum frá Jónsabúð og eiga með okkur góða stund. Farið var með hópa inn í framleiðsluna undir leiðsögn og starfsemin kynnt. Boðið var upp á að smakka örlitlar c-vítamíntöflur og fylgjast með töfluslætti. Hægt var að fylgjast með áfyllingu og fengu gestir gefins Andlitskrem úr Apótek línunni beint úr áfyllingunni. Sóley Elíasdóttir var á svæðinu með prufur af nokkrum af sínum bestu vörum frá Sóley organics. Við þökkum öllum þeim sem gerðu sér ferð til okkar þennan dag til að skoða fyrirtækið og vonum að  þið hafið notið stundarinnar.

Föstudaginn 23. maí  á milli klukkan 17-19, ætlum við að hafa opið hús í Pharmarctica að Lundsbraut 2. Gestum verður boðið upp á að skoða nýja lagerhúsnæðið okkar og farið verður með hópa í gegnum framleiðslusvæðið undir leiðsögn. Boðið verður upp á léttar veitingar. Við hvetjum sem flesta til að koma og kynna sér starfsemi fyrirtækisins og eiga með okkur ánægjulega stund. 

Sumarlokun Pharmarctica árið 2014 hefur verið ákveðin. Fyrirtækið verður lokað frá og með kl 16 þann 11 júlí og opnar aftur kl 8 þann 11 ágúst.  Starfsmenn munu fylgjast með tölvupósti á tímabilinu og einnig verður hægt að ná í starfsmenn í farsíma (sjá hér).

Forskriftarlyf sem Pharmarctica framleiðir eru nú komin inn sem viðauki í lyfjaverðskrá. Nú á því að vera hægt að ávísa forskriftarlyfjunum í gegnum Sögu-kerfið. Þrátt fyrir að forskriftarlyfin hafi verið skráð undir sama viðauka og undanþágulyf, þarf ekki að að skrifa undanþágulyfseðil. Verið er að vinna að því að forskriftarlyf verði sérstakur viðauki í lyfjaverðskrá en ekki undir sama viðauka og undanþágulyf. 

Vegna tímabundins umbúðaskorts hefur Tannskol verið framleitt í glærum plastflöskum. Nú hefur þetta vandamál verið leyst og fæst Tannskolið nú aftur í hvítum flöskum. 

Nú erum við líka komin á fésbókina. Like-aðu við okkur og fylgstu með okkur þar.