Fréttir

Þá er komið að því að Barnalínan okkar er komin á markaðinn en jafnframt er um að ræða sjöttu línuna okkar. Barnalínan fékk gulan lit sér til aðgreiningar.  Línan sem samanstendur í dag af fjórum vörutegundum  en sú fimmta mun bætast í hópinn von bráðar. Hér má sjá aðeins um hverja vöru: Barnakrem: er feitt krem fyrir þurra og viðkvæma barnshúð sem má bera á allan líkamann. Inniheldur 3% karbamíð. Fæst í 100 ml túpum. Vnr 12000082. Barnaolía: er mýkjandi og húðnærandi olía með mildum rósailm. Olían er góð til að bera á eftir sund og bað en einnig er hægt að nota hana sem nuddolíu. Fæst í 300 ml flöskum. Vnr 12000104. Barnapúður: er hreint talcum-púður sem að þurrkar upp rök húðsvæði t.d. á bleyjusvæðinu, í húðfellingum eða á milli táa. Fæst í 100 ml flöskum. Vnr 12000103. Bossakrem: er mjúkt 18% zink-krem sem varnar þvagbruna. Kremið á að bera á í þunnu lagi á hreina og þurra húð við bleyjuskipti eða þangað til húðin verður heil á ný. Fæst í 50 ml túpum. Vnr. 12000119.

Nú fæst Kalii permanganat 3% einnig í 100 ml flöskum. Varan fæst eins og aðrar vörur frá okkur, hjá Parlogis. Vörunúmerið er 12000700. Við minnum svo á að varan mun áfram fást í 500 ml flöskum.

Komin er á markað ný forskrift af Golytely sem inniheldur meiri styrk innihaldsefna til að auka virkni lyfsins. Eldri forskrift var kölluð inn til þess að koma í veg fyrir að tvær forskriftir með mismunandi styrkleika væru í umferð í einu. Jafnframt hefur verið ákveðið að bjóða ekki lengur upp á vöruna í 1 lítra umbúðum til að koma í veg fyrir mistök við blöndun. Núna fæst Golytely einungis í 3,8 lítra brúsum og í hvern brúsa þarf að bæta 2 lítrum af vatni. Fyrst um sinn verða allar umbúðir með nýju forskriftinni merktar með hvítum límmiða sem á stendur: Athugið. Ný forskrift. Blandist með 2 lítrum af vatni. Hægt er að hafa samband við Pharmarctica í síma 461-3550 til að koma með fyrirspurnir eða ábendingar. Pharmarctica biður viðskiptavini sína afsökunar á þeim óþægindum sem þetta kann að valda.  

Græðarinn (Kláðastillandi áburður) er nú kominn með nýtt útlit. Þessi vinsæli áburður sem hingað til hefur verið í 100 ml túpum mun nú framvegis aðeins fást í 100 ml flöskum með sprautuplöggi. Græðarinn er einstaklega róandi áburður sem hentar vel á kláða í húð. Áburðurinn hefur verið notaður á smásár, bleyjuútbrot og önnur útbrot á húð sem að valda kláða.

Framleiðslu á Golytely í 1L flöskum hefur nú verið hætt og því mun Golytely eingöngu fást í 3,8L brúsum. Viðskiptavinum okkar er því bent á að panta inn Golytely í 3,8L brúsum á vörunúmerinu 12000145 hjá Parlogis.

Vegna fjölmargra fyrirspurna um það hvar vörurnar okkar fást, viljum við benda fólki á að flestar okkar vörur eiga að fást í verslunum Lyfju og Lyfjavers, Reykjavíkurapótek, Árbæjarapótek, Garðsapótek sem og fleiri apótekum um allt land. Ef vörurnar eru ekki til eiga verslanirnar/apótekin að geta pantað þær. Einnig er hægt að panta vörurnar okkar hjá Parlogis í síma 590-0200, en sú leið er mjög góð ef um mikið magn er að ræða.

Nú fæst frá okkur litað klórhexidínspritt. Lausnin er í 500 ml flöskum með flip-top tappa. Vörunúmer 12000180

Nú fæst frá okkur Klórhexidínspritt í 500 ml flöskum með flip-top spraututappa. Vörunúmerið er 12000030.

Nú er hægt að panta frá Parlogis, Hydrófíl rakakrem í 500 ml flösku með dælu. Vörunúmerið er 12000179. Þessi vara hentar sérstaklega vel fyrir alla þá sem að eru að nota Hydrófíl rakakremið daglega eða mjög reglulega. Dælan er með breiðum stút sem auðveldar manni að fá rétt magn úr flöskunni.

Við viljum þakka viðskiptavinum okkar fyrir frábærar viðtökur á nýju vörunum okkar, Karbamíðkrem 5% og Karbamíðkrem 10% Kremin fást nú í flestum apótekum svo nú er um að gera að grípa sér eitt eintak :)