Fréttir

Föstudaginn 23. júní  var opið hús hjá Pharmarctica. Mættu þar um 90 manns til að skoða húsnæðið, gæða sér á  veitingum frá Jónsabúð og eiga með okkur góða stund. Farið var með hópa inn í framleiðsluna undir leiðsögn og starfsemin kynnt. Boðið var upp á að smakka örlitlar c-vítamíntöflur og fylgjast með töfluslætti. Hægt var að fylgjast með áfyllingu og fengu gestir gefins Andlitskrem úr Apótek línunni beint úr áfyllingunni. Sóley Elíasdóttir var á svæðinu með prufur af nokkrum af sínum bestu vörum frá Sóley organics. Við þökkum öllum þeim sem gerðu sér ferð til okkar þennan dag til að skoða fyrirtækið og vonum að  þið hafið notið stundarinnar.

Föstudaginn 23. maí  á milli klukkan 17-19, ætlum við að hafa opið hús í Pharmarctica að Lundsbraut 2. Gestum verður boðið upp á að skoða nýja lagerhúsnæðið okkar og farið verður með hópa í gegnum framleiðslusvæðið undir leiðsögn. Boðið verður upp á léttar veitingar. Við hvetjum sem flesta til að koma og kynna sér starfsemi fyrirtækisins og eiga með okkur ánægjulega stund. 

Sumarlokun Pharmarctica árið 2014 hefur verið ákveðin. Fyrirtækið verður lokað frá og með kl 16 þann 11 júlí og opnar aftur kl 8 þann 11 ágúst.  Starfsmenn munu fylgjast með tölvupósti á tímabilinu og einnig verður hægt að ná í starfsmenn í farsíma (sjá hér).

Forskriftarlyf sem Pharmarctica framleiðir eru nú komin inn sem viðauki í lyfjaverðskrá. Nú á því að vera hægt að ávísa forskriftarlyfjunum í gegnum Sögu-kerfið. Þrátt fyrir að forskriftarlyfin hafi verið skráð undir sama viðauka og undanþágulyf, þarf ekki að að skrifa undanþágulyfseðil. Verið er að vinna að því að forskriftarlyf verði sérstakur viðauki í lyfjaverðskrá en ekki undir sama viðauka og undanþágulyf. 

Vegna tímabundins umbúðaskorts hefur Tannskol verið framleitt í glærum plastflöskum. Nú hefur þetta vandamál verið leyst og fæst Tannskolið nú aftur í hvítum flöskum. 

Nú erum við líka komin á fésbókina. Like-aðu við okkur og fylgstu með okkur þar.

A+ heilsuvörurnar sem hafa hingað til fengist í verslunum Samkaupa munu nú ekki fást þar lengur.  Vörurnar hafa verið færðar yfir í vörulínuna Apótek og verða til sölu í helstu apótekum landsins. Því geta viðskiptavinir haldið áfram að fá þessar frábæru vörur hjá sínu heimaapóteki (sjá lista hér).  Vörurnar hafa einnig sumar hverjar fengið ný nöfn en hér má sjá þau: Feitt rakakrem - Karbamíð krem 10% Fótakrem - Hælakrem Handáburður - Stjörnuhandáburður Handspritt - Handspritt Húðnæring - Akvól Júgursmyrsl - Júgursmyrsl Kókoskrem - Kókosfíl Rakakrem - Hydrófíl rakakrem Sótthreinsunarkrem - Cetricide sárakrem Útivistarkrem - Kuldakrem Varaáburður - Mentólvaraáburður Vaselín - Vaselín

      Bórsýruslím fæst núna afgreitt úr apótekum án lyfseðils. Skv. reglugerð nr. 577/2013 viðauki 4 um snyrtivörur, er heimilt að nota bórsýru í snyrtivörur. Bórsýruslímið inniheldur 2% bórsýru sem hefur sótthreinsandi eiginleika. Varan fæst hjá Parlogis undir vörunúmerinu 12000081.         

Í byrjun nóvember sóttu tveir starfsmenn frá okkur námskeið í töfluhúðun við Colorcon í Bretlandi. Þessi aukna þekking mun koma til með að nýtast fyrirtækinu vel í áframhaldandi þróun og framleiðslu á vítamínum. 

Nú eru flestar vörur Pharmarctica bæði í Apótek og A+ heilsuvöru línunni parabenfríar. Við hvetjum fólk til að kynna sér vörurnar hérna á heimasíðunni okkar.